Xa podedes escoitar a entrevista-concerto que se emitíu en directo pola Radio Galega o martes 23 de xaneiro ás 16:00... no Programa ABERTO POR REFORMAS que dirixe ese alquimista da palabra que é Xurxo Souto.

Eloxios e piropos á parte... e pese a algún electrotrasno que se colou polas liñas as pezas gravadas... pese a estar reducidas quedaron moi cuquiñas.

O enlace é o seginte

http://www.crtvg.es/rg/acarta.asp?Mdia=2&canal=radio

Radio á carta da Radio Galega... pinchando sobre o programa de Xurxo.

 Graciñas e apertas a capachos.

O vindeiro martes 23 de xaneiro, e dende as 16:00 teredes ocasión de escoitarme en directo a través das ondas da man de Xurxo Souto no Programa ABERTO POR REFORMAS.

Unha entrevista-concerto na que interpretarei diferentes temas polifónicos en riguroso dircto e na que faremos un percorrido pola miña biografía e etapas musicais.

Unha entrevista na que falaremos, ademais de proxectos nos que traballo, coma o 3º Pé... ou o Festival Galego de Cabaré. Tamén para comentar cousas como os bares nos que teño traballado poñendo copas e tapas... como o "Xa Chegou" de Compostela ou o Café Alfaiate da Coruña.

Dende A Coruña para o mundo... en  directo polas ondas...

Chegou o momento que parecía non dar chegado... a pregunta que levo escoitado durante xa case seis meses cada día qie ía traballar...

Cando fechades?

A Coruña non será a mesma sen ese cuarto de estar, oficina, biblioteca, ligoteca e botellódroma que había no Campo da Leña; o Alfaiate.

Ide preparando os vosos fígados... a semana que vén vai ser grande...

Démoslle a despedida ben coma se merece...

O día 15 de xaneiro fechará definitivamente o Café Alfaiate da Coruña.

10 anos de dinamización da man dun café polo que teñen pasado concertos, tertulias, actos políticos, maribingos, xuntanzas e dende o que se ten mobilizado á parte activa da cidade.

10 anos que serán derrubados pola man especuladora, cobizosa dunha "milla douro" en pleno Campo da Leña... Praza de España para algúns.

O Alfaiate seguirá funcionando, na Rúa San Xoán 7, a poucos metros do anterior, nun local novo.

Quizais nunca será o mesmo... pero polo menos os trepulantes seremos os mesmos (Fran, Fer, Tabo, Manu e un servidor, que xa levo dous anos e medio...) e a vontade tamén... de que sexa un espazo libre, ceibe de prexuizos, libertario.

AVISO PARA NAVEGANTES: Antes derrube final vai a haber festa grande. A semana seguinte ao feche o local abrirá unha semana máis en horario de 22:00 a 00:00 para ofrecer un conxunto de actos dos que teñen pasado polo local. Festa maribollera... Esterco... Contacontos con Samarkanda...Ruiz Vallejo Producciones e ata un tal Nelsom Quinteiro daremoslle unha despedida ao local como se merece....

SEGUIMOS INFORMANDO...